artesanía con alma

Estamos ao pé de Santo Estevo, adentrándonos no casco histórico de Allariz, rodeados da súa historia e do seu patrimonio artístico e cultural.

 Aquí mesmo, neste espazo, na Mariñeta acollemos a esencia da nosa artesanía tradicional, sen renunciar á innovación e modernidade. Apostamos polo deseño, autenticidade e creatividade, sempre cunha ollada posta nas nosas raíces.

Cerámica, cestería, coiro, madeira, bisutería e xoiería, téxtil e moda comparten espazo con gravados, acuarelas, fotografía… Escollemos pezas fermosas para que te acompañen e que poidas agasallar sorprendendo aos teus seres queridos.

Sentímonos especialmente agradecidas de contar coa colaboración de artesáns e artistas locais; tamén con aqueles mozos que comezan ou os nosos mestres  consagrados e recoñecidos.

A Mariñeta desexa acoller artesanía e deseño para rodear a túa vida de obxectos fermosos con raíces e historia.